Fótbolti

Sara ein af 20 bestu fótboltakonum Evrópu

Ingvi Þór Sæmundsson skrifar
Sara Björk Gunnarsdóttir lyftir Evrópumeistarabikarnum.
Sara Björk Gunnarsdóttir lyftir Evrópumeistarabikarnum. vísir/getty

Sara Björk Gunnarsdóttir, leikmaður íslenska kvennalandsliðsins og Evrópumeistara Lyon, er ein af 20 bestu fótboltakonum Evrópu að mati fótboltatímaritsins FourFourTwo. Frá þessu er greint á mbl.is.

Leitað var til sérfræðinga til að velja bestu fótboltakonu í Evrópu 2020. Búið er að velja þær 20 bestu og sérfræðingarnir velja síðan þær fimm bestu úr þeim hópi.

Á lista FourFourTwo eru alls átta leikmenn sem léku með Lyon á þessu ári. Auk Söru eru það Lucy Bronze, Dz­seni­fer Mar­ozsán, Eugenie Le Sommer, Wendie Renard, Amel Majri, Delp­hine Cascar­ino og Sarah Bouhaddi.

Sara varð tvöfaldur meistari með Wolfsburg í Þýskalandi áður en hún gekk í raðir Lyon í sumar. Hún varð Evrópumeistari með franska liðinu og skoraði eitt marka þess í 3-1 sigri á hennar gömlu félögum í Wolfsburg í úrslitaleik Meistaradeildarinnar. Sara vann einnig frönsku bikarkeppnina með Lyon.

Í fyrradag sló Sara leikjamet íslenska landsliðsins þegar hún lék sinn 134. landsleik þegar Ísland tapaði fyrir Svíþjóð, 2-0, í undankeppni EM.

Sara var ein þriggja sem var tilnefnd sem besti miðjumaður Meistaradeildarinnar tímabilið 2019-20. Verðlaunin féllu samherja hennar hjá Lyon, Dz­seni­fer Mar­ozsán, í skaut.

Tuttugu bestu fótboltakonur Evrópu að mati FourFourTwo

  • Al­ex­ia Pu­tellas (Barcelona) 
  • Al­ex­andra Popp (Wolfs­burg)
  • Amel Maj­ri (Lyon) 
  • Bet­hany Eng­land (Chel­sea)
  • Christia­ne Endler (PSG) 
  • Debinha (North Carol­ina Coura­ge)
  • Delp­hine Cascar­ino (Lyon) 
  • Denise O’Sulli­v­an (North Carol­ina Coura­ge/​Bright­on)
  • Dz­seni­fer Mar­ozsán (Lyon)
  • Eu­genie Le Somm­er (Lyon)
  • Ewa Pajor (Wolfs­burg)
  • Guro Reiten (Chel­sea)
  • Ji So-yun (Chel­sea) 
  • Lucy Bronze (Lyon/Man. City)
  • Marie-Antoinette Katoto (PSG) 
  • Pernille Har­der (Wolfs­burg/Chelsea)
  • Sara Björk Gunn­ars­dott­ir (Wolfsburg/Lyon) 
  • Sarah Bou­haddi (Lyon)
  • Vi­vi­anne Miedema (Arsenal) 
  • Wendie Ren­ard (Lyon)

Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.