Mikil norðurljósadýrð er í Fljótshlíðinni í kvöld en heiðskírt er yfir hlíðinni og sést því vel í ljósadýrðina.

Dálítil norðurljósavirkni er í kvöld samkvæmt vefsíðu Veðurstofu Íslands en skýjað er víðast hvar á landinu, nema á Suðvesturlandi og mega íbúar á svæðinu því búast við að sjá glitta í norðurljós.

Íbúi í Fljótshlíð tók myndir af norðurljósunum sem lýsa upp kvöldhimininn í kvöld og segir hann norðurljósavirknina óvenjumikla.