Fótbolti

Englandsmeistarar Liverpool gætu lent í mjög erfiðum riðli í Meistaradeildinni

Óskar Ófeigur Jónsson skrifar
Brasilíumennirnir Fabinho, Roberto Firmino og Alisson Becker hjá Liverpool leggjast kannski á bæn fyrir dráttinn í dag.
Brasilíumennirnir Fabinho, Roberto Firmino og Alisson Becker hjá Liverpool leggjast kannski á bæn fyrir dráttinn í dag. Getty/Laurence Griffiths

Það verður mikil spenna í loftinu í dag þegar dregið verður í riðla í Meistaradeildinni í fótbolta.

Meistaradeildin í fótbolta fer seinna að stað en venjulega vegna kórónuveirunnar en í dag er komið að því að draga í riðla í keppninni 2020-21.

Drátturinn fer fram í RTS Studios í Genf í Sviss klukkan 17.00 að staðartíma eða klukkan 15.00 að íslenskum tíma. 32 lið eru komin áfram í riðlakeppnina og verða þau dregin í átta fjögurra liða riðla. Það er búið að skipta liðunum í fjóra styrkleikaflokka og mun eitt lið úr hverjum styrkleikaflokki fara í hvern riðil.

Þar sem að styrkleikaflokkarnir eru klárir þá er hægt að fara að velta því fyrir sér hvernig besti og versti drátturinn getur orðið fyrir hvert lið.

Hér fyrir neðan má sjá hvernig martraðarriðlar ensku liðanna gætu litið út en SPORTbible lék sér að því að setja þessa mögulegu krefjandi riðla þeirra saman.

Liverpool er í fyrsta styrkleikaflokki á meðan hin ensku liðin eru öll í öðrum styrkleikaflokki. Lið frá sama landi geta ekki lent saman í riðli.

Þrátt fyrir að vera í fyrsta styrkleikaflokki og losna við að lenda á móti liðum eins og Bayern München, Real Madrid og Paris Saint Germain þá getur Liverpool engu að síður lent í mjög erfiðum riðli.

Í matraðarriðli Liverool eru væntanlega Barcelona, Internazionale og Borussia Monchengladbach. Léttasti riðill Liverpool gæti á móti mögulega verið Shakhtar Donetsk, Red Bull Salzburg og Midtjylland.

Martraðarriðlar hinna þriggja ensku liðanna í Meistaradeildinni, Manchester City, Manchester United og Chelsea eru allir svipaðir. Það væri að lenda með Bayern München, ítölsku félögunum Internazionale eða Atalanta og loks Marseille úr síðasta styrkleikaflokknum.

Þau vonast líklega til að lenda með Porto úr fyrsta styrkleikaflokknum því það er ekki eins langt ferðalag og til Rússlands ef liðið lendir í riðli með Zenit frá Sankti Pétursborg.

Hér fyrir neðan eru styrkleikaflokkarnir fyrir dráttinn í dag.

Styrkleikaflokkar fyrir riðladrátt Meistaradeildarinnar 2020-21:

  • Fyrsti styrkleikaflokkur:
  • Bayern München frá Þýskalandi
  • Sevilla frá Spáni
  • Real Madrid frá Spáni
  • Liverpool frá Englandi
  • Juventus frá Ítalíu
  • Paris Saint-Germain frá Frakklandi
  • Zenit Saint Petersburg frá Rússlandi
  • Porto frá Portúgal
  • Annar styrkleikaflokkur:
  • Barcelona frá Spáni
  • Atlético Madrid frá Spáni
  • Manchester City frá Englandi
  • Manchester United frá Englandi
  • Shakhtar Donetsk frá Úkraínu
  • Borussia Dortmund frá Þýskalandi
  • Chelsea frá Englandi
  • Ajax frá Hollandi
  • Þriðji styrkleikaflokkur:
  • Dynamo Kyiv frá Úkraínu
  • Red Bull Salzburg frá Austurríki
  • RB Leipzig frá Þýskalandi

    Internazionale Milan frá Ítalíu
  • Olympiacos frá Grikklandi
  • Lazio frá Ítalíu
  • Krasnodar frá Rússlandi
  • Atalanta frá Ítalíu
  • Fjórði styrkleikaflokkur:
  • Lokomotiv Moskva frá Rússlandi
  • Marseille frá Frakklandi
  • Club Brugge frá Belgíu
  • Borussia Monchengladbach frá Þýskalandi
  • Istanbul Basaksehir frá Tyrklandi
  • Midtjylland frá Danmörku
  • Rennes frá Frakklandi
  • Ferencváros frá Ungverjalandi


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.