Erlent

Rúss­neskt her­skip rakst á frysti­skip á Eyrar­sundi

Atli Ísleifsson skrifar
Eyrarsundsbrúin tengir Malmö í Svíþjóð við dönsku höfuðborgina Kaupmannahöfn.
Eyrarsundsbrúin tengir Malmö í Svíþjóð við dönsku höfuðborgina Kaupmannahöfn. Getty

Rússneskt herskip rakst í morgun á frystiskip á Eyrarsundi. Áreksturinn varð innan danskrar lögsögu, rétt sunnan Eyrarsundsbrúarinnar, þó að aðstoð frá Svíþjóð hafi einnig borist.

Ekkert liggur fyrir um hvað olli árekstrinum, en mikil þoka er á svæðinu. Frystiskipið ICe Rose er 145 metrar að lengd og siglir undir fána Marshalleyja.

Enn sem komið er hafa ekki borist fréttir um að olía leki úr skipunum eða þá að sjór flæði inn. Sömuleiðis hafa ekki borist fréttir af því að fólk í áhöfn hafi slasast.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.