Man. City í frábærum málum frá Madrid

Sindri Sverrisson skrifar
Luka Modric með boltann í leiknum við Man. City í kvöld.
Luka Modric með boltann í leiknum við Man. City í kvöld. vísir/getty

Englandsmeistarar Manchester City unnu 2-1 sigur gegn Real Madrid á Santiago Bernabeu í kvöld og eru í kjörstöðu fyrir seinni leik liðanna í 16-liða úrslitum Meistaradeildar Evrópu. Sergio Ramos sá rautt í leiknum.

Útlitið var gott hjá Real þegar Isco kom liðinu yfir á 60. mínútu eftir mistök í vörn City. Gabriel Jesus jafnaði hins vegar metin fyrir City eftir frábæran undirbúning Kevin De Bruyne, og Belginn kom City yfir úr vítaspyrnu á 83. mínútu eftir að brotið var á varamanninum Raheem Sterling.

Ramos fékk svo rautt spjald fyrir að brjóta á Jesus sem var að sleppa einn gegn markverði og verður því í banni í seinni leiknum í Manchester.

Bein lýsing

Leikirnir






    Fleiri fréttir

    Sjá meira