Erlent

Lík þriggja barna fundust í Dyflinni

Kristín Ólafsdóttir skrifar
Frá vettvangi við heimili barnanna og móður þeirra í Dyflinni í gærkvöldi.
Frá vettvangi við heimili barnanna og móður þeirra í Dyflinni í gærkvöldi. Vísir/getty

Lík þriggja barna fundust í húsi í úthverfi Dyflinnar á Írlandi í gærkvöldi. Gert er ráð fyrir að lögregla rannsaki andlát þeirra sem morð, að því er fram kemur í frétt Irish Times.

Kona, sem talin er móðir barnanna, fannst í miklu uppnámi fyrir utan húsið og var flutt á sjúkrahús til skoðunar. Lögregla vonaðist til þess að hægt yrði að ræða við konuna í dag. Hún er talin búa yfir „mikilvægum upplýsingum“ um málið. Börnin voru fjögurra, átta og tíu ára; tveir drengir og ein stúlka.

Lögregla segir rannsóknina á frumstigi og lýsir andláti barnanna sem „skyndilegu“ og „óútskýrðu“. Ekki hafa fundist neinar vísbendingar um að nokkur utanaðkomandi hafi verið í húsinu þegar andlát barnanna bar að. Þá fundust engin merki um innbrot.

Gengið er út frá því að börnin hafi búið í húsinu með móður sinni. Haft er eftir nágrönnum í frétt Irish Times að málið sé reiðarslag fyrir hverfið.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.