Krefjast nú öll bóta frá Arngrími og Sjóvá
Mál tveggja af þremur börnum Kanadamannsins Grant Wagstaff gegn Arngrími Jóhannssyni flugstjóra og tryggingafélaginu Sjóvá er á dagskrá Héraðsdóms Reykjavíkur í dag.
Um aðskilin mál þeirra Claire og Tyler Wagstaff er að ræða en þau krefjast bóta vegna fráfalls föður síns sem fórst í flugslysi í Barkárdal 9. ágúst 2015. Arngrímur flaug vélinni.
Frá þessu segir í Fréttablaðinu í dag en nú þegar reka eldri systir þeirra Claire og Tyler, Sarah, og Roslyn Wagstaff, ekkja Grants, mál fyrir dómstólnum. Í fréttinni kemur fram að Sarah og Roslyn hafi nú fengið gjafsókn frá íslenska ríkinu og hafa yngri systkinin nú einnig óskað þess sama.
Sjóvá hefur nú þegar hafnað bótaskyldu í málinu.
Tengdar fréttir
Fjölskylda flugmanns slegin vegna athafnar
Fjölskylda Grants Wagstaff, sem lést í flugslysi í Eyjafirði, kveðst harmi slegin vegna minningarathafnar án sinnar vitneskju. Arngrímur Jóhannsson, sem flaug vélinni og ekkjan stefnir í dómsmáli, stóð að uppsetningu minnismerkis.
Enginn dómari skipaður enn í máli flugmannsekkju
Enn hefur ekki verið skipaður dómari í máli ekkju Kanadamannsins sem fórst í flugslysi í Barkárdal gegn flugmanninum og tryggingafélaginu Sjóvá.
