Tekinn með þrjátíu síma í hjólabuxunum á tónleikum
Lögreglu í Hollandi tókst að leysa mál um umfangsmikinn símaþjófnað eftir að karlmaður var handtekinn á tónleiknum með þrjátíu síma í hjólabuxum sínum.
BBC segir frá því að 34 ára karlmaður hafi verið handtekinn eftir tónleika sveitarinnar Sum 41 eftir að tónleikagestir höfðu gert lögreglu viðvart um þjófnað. Lokaði lögregla þá öllum útgönguleiðum úr tónleikasalnum og hafði uppi á manninum.
Lögreglulið var sent á tónleika Sum 41 í Amsterdam eftir að ábending barst frá lögreglunni í Belgíu. Fimmtíu símum hafði verið stolið af gestum á tónleikum sömu sveitar í Antwerpen nokkrum dögum fyrr.
Hinn grunaði er rúmenskur ríkisborgari, en í frétt BBC kemur fram að ekki sé ljóst hvort að hann hafi átt sér samverkamenn.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
