Van Dijk maður leiksins i sigri Liverpool gegn Manchester United

Runólfur Trausti Þórhallsson skrifar 19. janúar 2020 18:45

Van Dijk var frábær í hjarta varnarinnar hjá Liverpool í dag. Getty/Vísir

Topplið Liverpool fór illa með erkifjendur sína frá Manchester-borg í stórleik helgarinnar í enska boltanum. Úrslitin komu þó engum á óvart þar sem Liverpool hefur verið óstöðvandi í vetur á meðan Manchester United hefur munað fífil sinn fegurri.

Samkvæmt tölfræði vefsíðunni Who Scored var Virgil Van Dijk langbesti leikmaður vallarins er Liverpool vann 2-0 sigur á erkifjendum sínum í Manchester United á Anfield. Van Dijk var með 8.5 í einkunn, þar á eftir komu Alisson og Mo Salah með 7.8 í einkunn. Van Dijk skoraði fyrra mark leiksins og var eins og klettur í vörn heimamanna. Þá skoraði Salah sitt fyrsta mark gegn Manchester United undir lok leiks ásamt því að valda usla nær allan leikinn.

Gestirnir voru án þriggja af sínum sterkustu leikmönnum sínum en þeir Scott McTominay, Paul Pogba og Marcus Rashford voru allir frá vegna meiðsla í dag og verða líklega næstu vikur eða mánuði.

Man Utd stillti upp í svipuðu leikkerfi og í fyrri leik liðanna en Ole Gunnar Solskjær byrjaði með fimma manna vörn, þrjá á miðjunni og tvo frammi. Á meðan var Liverpool í sínu hefðbundna 4-3-3 kerfi og ljóst að þeir breyta því leikkerfi ekkert á næstunni miðað við framgöngu þeirra á leiktíðinni til þessa.

Alls fengu níu leikmenn Liverpool einkunn uppá sjö eða meira en hjá Manchester United voru aðeins tveir leikmenn með svipaða einkunn. Brasilíski miðjumaðurinn Fred, sem hefur fengið mikla gagnrýni frá því hann kom til Man Utd, var langbesti leikmaður þeirra í dag en það dugði ekki til.

Einkunnir Liverpool

Alisson - 7.8

Trent Alexander-Arnold - 7.5

Virgil Van Dijk - 8.5 (Maður leiksins)

Joe Gomez - 7.3

Andy Robertson - 6.7

Gini Wijnaldum - 7.3

Jordan Henderson - 7,7

Alex Oxlade-Chamberlain - 7.3

Mo Salah - 7.8

Sadio Mané - 6.5

Roberto Firmino - 7.6

Einkunnir Manchester United

David De Gea - 6.4

Wan-Bissaka - 7.0

Victor Lindelöf - 6.3

Harry Maguire - 6.6

Luke Shaw - 6.9

Brandon Williams - 6.3

Nemanja Matic - 6.2

Fred - 7.4

Andreas Pereira - 6.2

Daniel James - 5.9

Anthony Martial - 6.1

Enski boltinn

Tengdar fréttir

Tröllið Van Dijk markahæstur frá upphafi síðustu leiktíðar

Virgil Dan Dijk er ekki aðeins klettur í vörn Liverpool sem virðist varla geta fengið á sig mark heldur er Hollendingurinn markahæsti varnarmaður ensku úrvalsdeildarinnar frá uppahfi síðustu leiktíðar. Skoraði hann eina mark fyrri hálfleiks í stórleik Liverpool og Manchester United á Anfield sem er ólokið.

19. janúar 2020 17:30