Alvarlegt ástand og reiði í Beirút Samúel Karl Ólason skrifar 7. ágúst 2020 15:35 Maður virðir fyrir sér skemmdirnar á höfninni í Beirút. AP/Hussein Malla Björgunarsveitir vinna enn að því að leita að líkum í rústum á hafnarsvæðinu í Beirút þar sem gríðarstór sprenging varð á þriðjudaginn. Minnst 149 eru látnir en talið er að þeim muni fjölga þar sem margra er enn saknað. Sveitir frá Rússlandi og Frakklandi notast við hunda til að leita í rústunum en búið er að senda sveitir frá fjölda annarra landa. Sameinuðu þjóðirnar vöruðu í dag við því að ástandið í Beirút væri alvarlegt og stefndi í krísu. Mörg ríki heims hafa sent fólk til Líbanon. Önnur hafa sent peninga, birgðir, mat, lyf og ýmislegt fleira. Ljóst er þó að tjónið er umfangsmikið og kemur það í kjölfar mikillar niðursveiflu hagkerfis landsins og mótmæla þeirra vegna. Fyrir sprenginguna þurftu um 75 prósent íbúa Líbanon á aðstoð að halda og þriðjungur þjóðarinnar var atvinnulaus. Allt að 300 þúsund manns, sem er rúmlega tólf prósent þjóðarinnar, geta ekki búið á heimilum sínum vegna sprengingarinnar. Áætlað er að tjónið samsvari um 10 til 15 milljörðum dala. Að auki við þessar efnahagsaðstæður mun tjónið á stærstu höfn landsins hægja á matvælasendingum til landsins og að öllum líkindum hækka verð á mat. Þrjú sjúkrahús skemmdust í sprengingunni og Alþjóðaheilbrigðismálastofnunin (WHO) segir heilbrigðiskerfi landsins verulega laskað. Michel Aoun, forseti Líbanon, hafnaði alþjóðlegri rannsókn á sprengingunni. Yfirvöld í Líbanon rannsaka nú hvað olli sprengingunni og hafa sextán hafnarstarfsmenn og starfsmenn tollsins verið yfirheyrðir. Fyrstu vísbendingarnar benda þó til vanrækslu og íbúar benda á yfirvöld. Fjölmiðlar ytra hafa sagt að eldur hafi kviknað út frá logsuðu. Eldurinn kviknaði í vöruskemmu þar sem flugeldar voru geymdir auk 2.750 tonna af ammóníum nítrati, sem notað er í áburð og sprengiefni. Því var komið fyrir í vöruskemmunni árið 2014 þegar það var tekið úr skipi sem að endingu var gert upptækt. Opinber gögn sýna að hafnarstarfsmenn reyndu ítrekað í gegnum árin að losna við efnið en því var ekki sinnt. Fréttaritari LA Times tísti mynd af reyk frá eldinum klukkan 5:45 að staðartíma á þriðjudaginn. Þá sagðist hann hafa heyrt sprengingu. Í fjórtán mínútur eftir það logaði eldurinn og slökkviliðsmenn mættu á vettvang. Þá stækkaði eldurinn mjög hratt og önnur stærri sprenging varð. 35 sekúndum seinna kom stóra sprengingin en þá höfðu fjölmargir íbúar Beirút þegar beint símum sínum að látunum og þess vegna náðust svo mörg myndbönd af sprengingunni. Það vakti töluverða athygli þegar Emmanuel Macron, forseti Frakklands, heimsótti Beirút í gær og jafnvel reiði. Sú reiði beindist þó ekki að Macron þar sem hann gerði það sem stjórnmálamenn í Líbanon hafa ekki gert. Macron hlustaði á fólkið og lofaði að hjálpa því, eins og það er orðað í frétt New York Times. „Ég sé tilfinningarnar í andlitum ykkar, sorgina, sársaukann,“ sagði Macron við hóp íbúa Beirút. Hann ræddi við fólkið um þau djúpu tengsl sem Líbanon og Frakkland eiga og sagði: „Þess vegna er ég hér“. Macron hét því einnig að safna aðstoð handa Líbanon og lofaði því að hún myndi ekki enda í fangi „spilltra aðila“. Líbanon var frönsk nýlenda fyrir seinni heimsstyrjöldina og síðan þá hafa tengsl ríkjanna verið mjög náin. Frakkland er vinsælt í Líbanon en meðlimir í ríkisstjórn Macron hafa gagnrýnt ráðandi öfl í Líbanon og hefur það fallið í kramið hjá mótmælendum þar í landi. Sömuleiðis hefur það ekki verið vinsælt hjá ríkisstjórn landsins. Áður en Macron sneri aftur til Frakklands fundaði hann með ráðamönnum í Líbanon og sagðist hafa fært þeim lista yfir nauðsynlegar umbætur sem þyrftu að eiga sér stað, áður en stjórnvöld fá aðgang að alþjóðlegum sjóðum. Mikil reiði ríkir í garð stjórnvalda og stjórnmálastéttarinnar í Líbanon. Miðað við viðbrögð þeirra sem margir blaðamenn hafa þegar rætt við, þá eru íbúar einnig sannfærðir um að réttlæti muni ekki nást í gegnum störf stjórnvalda. Enginn úr ríkisstjórn Líbanon hefur látið sjá sig á vettvangi hamfaranna í Beirút. Í frétt New York Times segir að stjórnmálamenn sjáist ekki á almannafæri nema þegar brynvörðum bílum þeirra er ekið í gegnum hverfi borgarinnar. Því voru íbúar mjög ánægðir með Macron eins og einn viðmælandi NYT gerði ljóst. „Ég vil ekki að Frakkland sendi peninga til þessa spillta fólks,“ sagði Khalil Honein, sem sat fyrir utan skemmda varahlutaverslun sína nærri þar sem Macron gekk um. „Hann getur tekið þessa stjórnmálamenn með sér, eða verið okkar forseti.“ Líbanon Sprenging í Beirút Tengdar fréttir Í miðri brúðarmyndtöku þegar sprengingin varð Hin 29 ára gamla Israa Seblani var í miðri brúðarmyndatöku við Le Gray hótelið í Beirút þegar gríðarstór sprenging varð á hafnarsvæði borgarinnar á þriðjudag. 6. ágúst 2020 21:01 Íbúar Beirút krefjast réttlætis eftir sprenginguna Íbúar í Beirút, höfuðborg Líbanon, hafa lýst reiði sinni í garð ríkisstjórnar landsins vegna sprengingarinnar sem varð við höfn borgarinnar á þriðjudag. 6. ágúst 2020 06:35 Hefja neyðarsöfnun vegna sprenginganna í Beirút Rauði krossinn á Íslandi hefur hafið neyðarsöfnun vegna hamfarasprenginganna í Beirút. Á annað hundruð manns fórust í sprengingunum að minnsta kosti og þúsundir slösuðust. 5. ágúst 2020 17:46 Farþegaskip á hliðinni og stærðarinnar gígur í höfninni Gervihnattarmyndir frá höfninni í Beirút sýnir að sprengingin í gær skildi eftir sig stærðarinnar gíg. 5. ágúst 2020 14:13 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þetta er að verða komið gott“ Innlent Enn mikið sjónarspil á gosstöðvunum Innlent Eldgosið hagi sér öðruvísi og gæti varað lengur Innlent Bankasýslan kom af fjöllum þegar tilkynnt var um kaupin Innlent Lýsir yfir vonbrigðum og krefst frestunar aðalfundar Innlent Árekstur við Kaplakrika Innlent Jakob Reynir Aftur reynir aftur Innlent Bankastjóri segir það hennar hlutverk að reka Landsbankann Innlent Stefán Ingimar neitar að koma til landsins Innlent Virkni gossins enn stöðug og hætta enn talin mikil Innlent Fleiri fréttir Sigurinn fordæmdur af evrópskum og bandarískum stjórnvöldum Úkraínumenn senda fjölda dróna langt inn í Rússland Ísraelsher ræðst aftur inn á al Shifa sjúkrahúsið í Gasaborg Uber gerir fimmtu stærstu sáttina í sögu Ástralíu Pútín fagnar sigri Líkti innflytjendum við dýr í langri ræðu Rýnt í stöðuna í Úkraínu: Pútín sagður ætla að „taka til“ eftir kosningarnar SpaceX vinnur að þyrpingu njósnagervihnatta Látinn horfa á hermenn nauðga óléttri móður sinni og kærustu Blindi krókódíllinn Albert fjarlægður úr sundlaug sinni Saksóknari í máli Trumps segir af sér vegna framhjáhalds Mýs éta lifandi fugla á afskekktri eyju Mike Pence snýr enn bakinu í Trump Sorgardagur í Odessa „Rotturnar eru að éta marijúanað okkar“ Fyrsti varaforsetinn til að heimsækja þungunarrofsþjónustu Fjöldi málsókna vegna hurðarloksins sem fauk í miðju flugi Forsetakosningar hafnar í Rússlandi Ása segist ætla að leyfa eiginmanni sínum að „njóta vafans“ Viljugir til að fresta réttarhöldum í máli Trumps og Daniels Fær sekt fyrir að keyra réttindalaus 103 ára gömul Kensington í sama flokki og Íran og Norður-Kórea hjá AFP Segir Netanjahú helstu fyrirstöðu friðar og kallar eftir kosningum Trump í dómsal í Flórída Segir Úkraínumenn ekki skorta hugrekki, heldur skotfæri Vilja fá saksóknara til að rannsaka Biden Þriðja flugferð Starship heppnaðist vel Kim keyrði skriðdreka á æfingu Ísraelsher braut alþjóðalög þegar skotið var á hóp blaðamanna Tusk hyggst skipta út 50 sendiherrum hægristjórnarinnar Sjá meira
Björgunarsveitir vinna enn að því að leita að líkum í rústum á hafnarsvæðinu í Beirút þar sem gríðarstór sprenging varð á þriðjudaginn. Minnst 149 eru látnir en talið er að þeim muni fjölga þar sem margra er enn saknað. Sveitir frá Rússlandi og Frakklandi notast við hunda til að leita í rústunum en búið er að senda sveitir frá fjölda annarra landa. Sameinuðu þjóðirnar vöruðu í dag við því að ástandið í Beirút væri alvarlegt og stefndi í krísu. Mörg ríki heims hafa sent fólk til Líbanon. Önnur hafa sent peninga, birgðir, mat, lyf og ýmislegt fleira. Ljóst er þó að tjónið er umfangsmikið og kemur það í kjölfar mikillar niðursveiflu hagkerfis landsins og mótmæla þeirra vegna. Fyrir sprenginguna þurftu um 75 prósent íbúa Líbanon á aðstoð að halda og þriðjungur þjóðarinnar var atvinnulaus. Allt að 300 þúsund manns, sem er rúmlega tólf prósent þjóðarinnar, geta ekki búið á heimilum sínum vegna sprengingarinnar. Áætlað er að tjónið samsvari um 10 til 15 milljörðum dala. Að auki við þessar efnahagsaðstæður mun tjónið á stærstu höfn landsins hægja á matvælasendingum til landsins og að öllum líkindum hækka verð á mat. Þrjú sjúkrahús skemmdust í sprengingunni og Alþjóðaheilbrigðismálastofnunin (WHO) segir heilbrigðiskerfi landsins verulega laskað. Michel Aoun, forseti Líbanon, hafnaði alþjóðlegri rannsókn á sprengingunni. Yfirvöld í Líbanon rannsaka nú hvað olli sprengingunni og hafa sextán hafnarstarfsmenn og starfsmenn tollsins verið yfirheyrðir. Fyrstu vísbendingarnar benda þó til vanrækslu og íbúar benda á yfirvöld. Fjölmiðlar ytra hafa sagt að eldur hafi kviknað út frá logsuðu. Eldurinn kviknaði í vöruskemmu þar sem flugeldar voru geymdir auk 2.750 tonna af ammóníum nítrati, sem notað er í áburð og sprengiefni. Því var komið fyrir í vöruskemmunni árið 2014 þegar það var tekið úr skipi sem að endingu var gert upptækt. Opinber gögn sýna að hafnarstarfsmenn reyndu ítrekað í gegnum árin að losna við efnið en því var ekki sinnt. Fréttaritari LA Times tísti mynd af reyk frá eldinum klukkan 5:45 að staðartíma á þriðjudaginn. Þá sagðist hann hafa heyrt sprengingu. Í fjórtán mínútur eftir það logaði eldurinn og slökkviliðsmenn mættu á vettvang. Þá stækkaði eldurinn mjög hratt og önnur stærri sprenging varð. 35 sekúndum seinna kom stóra sprengingin en þá höfðu fjölmargir íbúar Beirút þegar beint símum sínum að látunum og þess vegna náðust svo mörg myndbönd af sprengingunni. Það vakti töluverða athygli þegar Emmanuel Macron, forseti Frakklands, heimsótti Beirút í gær og jafnvel reiði. Sú reiði beindist þó ekki að Macron þar sem hann gerði það sem stjórnmálamenn í Líbanon hafa ekki gert. Macron hlustaði á fólkið og lofaði að hjálpa því, eins og það er orðað í frétt New York Times. „Ég sé tilfinningarnar í andlitum ykkar, sorgina, sársaukann,“ sagði Macron við hóp íbúa Beirút. Hann ræddi við fólkið um þau djúpu tengsl sem Líbanon og Frakkland eiga og sagði: „Þess vegna er ég hér“. Macron hét því einnig að safna aðstoð handa Líbanon og lofaði því að hún myndi ekki enda í fangi „spilltra aðila“. Líbanon var frönsk nýlenda fyrir seinni heimsstyrjöldina og síðan þá hafa tengsl ríkjanna verið mjög náin. Frakkland er vinsælt í Líbanon en meðlimir í ríkisstjórn Macron hafa gagnrýnt ráðandi öfl í Líbanon og hefur það fallið í kramið hjá mótmælendum þar í landi. Sömuleiðis hefur það ekki verið vinsælt hjá ríkisstjórn landsins. Áður en Macron sneri aftur til Frakklands fundaði hann með ráðamönnum í Líbanon og sagðist hafa fært þeim lista yfir nauðsynlegar umbætur sem þyrftu að eiga sér stað, áður en stjórnvöld fá aðgang að alþjóðlegum sjóðum. Mikil reiði ríkir í garð stjórnvalda og stjórnmálastéttarinnar í Líbanon. Miðað við viðbrögð þeirra sem margir blaðamenn hafa þegar rætt við, þá eru íbúar einnig sannfærðir um að réttlæti muni ekki nást í gegnum störf stjórnvalda. Enginn úr ríkisstjórn Líbanon hefur látið sjá sig á vettvangi hamfaranna í Beirút. Í frétt New York Times segir að stjórnmálamenn sjáist ekki á almannafæri nema þegar brynvörðum bílum þeirra er ekið í gegnum hverfi borgarinnar. Því voru íbúar mjög ánægðir með Macron eins og einn viðmælandi NYT gerði ljóst. „Ég vil ekki að Frakkland sendi peninga til þessa spillta fólks,“ sagði Khalil Honein, sem sat fyrir utan skemmda varahlutaverslun sína nærri þar sem Macron gekk um. „Hann getur tekið þessa stjórnmálamenn með sér, eða verið okkar forseti.“
Líbanon Sprenging í Beirút Tengdar fréttir Í miðri brúðarmyndtöku þegar sprengingin varð Hin 29 ára gamla Israa Seblani var í miðri brúðarmyndatöku við Le Gray hótelið í Beirút þegar gríðarstór sprenging varð á hafnarsvæði borgarinnar á þriðjudag. 6. ágúst 2020 21:01 Íbúar Beirút krefjast réttlætis eftir sprenginguna Íbúar í Beirút, höfuðborg Líbanon, hafa lýst reiði sinni í garð ríkisstjórnar landsins vegna sprengingarinnar sem varð við höfn borgarinnar á þriðjudag. 6. ágúst 2020 06:35 Hefja neyðarsöfnun vegna sprenginganna í Beirút Rauði krossinn á Íslandi hefur hafið neyðarsöfnun vegna hamfarasprenginganna í Beirút. Á annað hundruð manns fórust í sprengingunum að minnsta kosti og þúsundir slösuðust. 5. ágúst 2020 17:46 Farþegaskip á hliðinni og stærðarinnar gígur í höfninni Gervihnattarmyndir frá höfninni í Beirút sýnir að sprengingin í gær skildi eftir sig stærðarinnar gíg. 5. ágúst 2020 14:13 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þetta er að verða komið gott“ Innlent Enn mikið sjónarspil á gosstöðvunum Innlent Eldgosið hagi sér öðruvísi og gæti varað lengur Innlent Bankasýslan kom af fjöllum þegar tilkynnt var um kaupin Innlent Lýsir yfir vonbrigðum og krefst frestunar aðalfundar Innlent Árekstur við Kaplakrika Innlent Jakob Reynir Aftur reynir aftur Innlent Bankastjóri segir það hennar hlutverk að reka Landsbankann Innlent Stefán Ingimar neitar að koma til landsins Innlent Virkni gossins enn stöðug og hætta enn talin mikil Innlent Fleiri fréttir Sigurinn fordæmdur af evrópskum og bandarískum stjórnvöldum Úkraínumenn senda fjölda dróna langt inn í Rússland Ísraelsher ræðst aftur inn á al Shifa sjúkrahúsið í Gasaborg Uber gerir fimmtu stærstu sáttina í sögu Ástralíu Pútín fagnar sigri Líkti innflytjendum við dýr í langri ræðu Rýnt í stöðuna í Úkraínu: Pútín sagður ætla að „taka til“ eftir kosningarnar SpaceX vinnur að þyrpingu njósnagervihnatta Látinn horfa á hermenn nauðga óléttri móður sinni og kærustu Blindi krókódíllinn Albert fjarlægður úr sundlaug sinni Saksóknari í máli Trumps segir af sér vegna framhjáhalds Mýs éta lifandi fugla á afskekktri eyju Mike Pence snýr enn bakinu í Trump Sorgardagur í Odessa „Rotturnar eru að éta marijúanað okkar“ Fyrsti varaforsetinn til að heimsækja þungunarrofsþjónustu Fjöldi málsókna vegna hurðarloksins sem fauk í miðju flugi Forsetakosningar hafnar í Rússlandi Ása segist ætla að leyfa eiginmanni sínum að „njóta vafans“ Viljugir til að fresta réttarhöldum í máli Trumps og Daniels Fær sekt fyrir að keyra réttindalaus 103 ára gömul Kensington í sama flokki og Íran og Norður-Kórea hjá AFP Segir Netanjahú helstu fyrirstöðu friðar og kallar eftir kosningum Trump í dómsal í Flórída Segir Úkraínumenn ekki skorta hugrekki, heldur skotfæri Vilja fá saksóknara til að rannsaka Biden Þriðja flugferð Starship heppnaðist vel Kim keyrði skriðdreka á æfingu Ísraelsher braut alþjóðalög þegar skotið var á hóp blaðamanna Tusk hyggst skipta út 50 sendiherrum hægristjórnarinnar Sjá meira
Í miðri brúðarmyndtöku þegar sprengingin varð Hin 29 ára gamla Israa Seblani var í miðri brúðarmyndatöku við Le Gray hótelið í Beirút þegar gríðarstór sprenging varð á hafnarsvæði borgarinnar á þriðjudag. 6. ágúst 2020 21:01
Íbúar Beirút krefjast réttlætis eftir sprenginguna Íbúar í Beirút, höfuðborg Líbanon, hafa lýst reiði sinni í garð ríkisstjórnar landsins vegna sprengingarinnar sem varð við höfn borgarinnar á þriðjudag. 6. ágúst 2020 06:35
Hefja neyðarsöfnun vegna sprenginganna í Beirút Rauði krossinn á Íslandi hefur hafið neyðarsöfnun vegna hamfarasprenginganna í Beirút. Á annað hundruð manns fórust í sprengingunum að minnsta kosti og þúsundir slösuðust. 5. ágúst 2020 17:46
Farþegaskip á hliðinni og stærðarinnar gígur í höfninni Gervihnattarmyndir frá höfninni í Beirút sýnir að sprengingin í gær skildi eftir sig stærðarinnar gíg. 5. ágúst 2020 14:13