Innlent

Til­kynnt um líkams­á­rás og hótanir í Breið­holti

Atli Ísleifsson skrifar
Í skeyti lögreglu segir að alls hafi verið bókuð fimmtíu mál í gærkvöldi og nótt þar sem fimm manns hafi verið vistaðir í fangageymslum.
Í skeyti lögreglu segir að alls hafi verið bókuð fimmtíu mál í gærkvöldi og nótt þar sem fimm manns hafi verið vistaðir í fangageymslum. Vísir/Vilhelm

Lögregla á höfuðborgarsvæðinu var kölluð út skömmu eftir klukkan tvö í nótt eftir að tilkynnt var um líkamsárás og hótanir í Breiðholti.

Í tilkynningu frá lögreglu segir að meintur árásarmaður hafi verið handtekinn og vistaður í fangageymslu. Þolandi var með höfuðáverka og fluttur með sjúkrabíl á slysadeild.

Í skeyti lögreglu segir að alls hafi verið bókuð fimmtíu mál í gærkvöldi og nótt þar sem fimm manns hafi verið vistaðir í fangageymslum.

Málin voru flest minniháttar, innbrot og nokkrar tilkynningar um fólk í annarlegu ástandi sem var til vandræða. Einnig var óskað eftir aðstoð vegna heimilisófriðar í vesturbæ Reykjavíkur.

Klukkan hálftíu var svo ökumaður stöðvaður fyrir hraðakstur í Ártúnsbrekkunni og reyndist hann vera á 135 kílómetra hraða þar sem leyfilegur hámarkshraði eru 80 kílómetrar á klukkustund.

Sömuleiðis var tilkynnt um umferðaróhapp í Breiðholti klukkan 21 þar sem ekið hafði verið á kyrrstæða bifreið. Þar reyndist ökumaður undir áhrifum og á stolinni bifreið. Hann var vistaður í fangageymslu eftir blóðsýnatöku.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.