Innlent

Tveir létust í slysinu á Kjalarnesi

Vésteinn Örn Pétursson skrifar
Hinir látnu voru ökumaður og farþegi bifhjóls.
Hinir látnu voru ökumaður og farþegi bifhjóls.

Tveir létust í árekstri bifhjóls og húsbíls á Vesturlandsvegi á Kjalarnesi, norðan Grundarhverfis, í dag, en tilkynning um slysið barst kl. 15.13. Þetta kemur fram í tilkynningu frá lögreglunni á höfuðborgarsvæðinu.

Þeir sem létust voru ökumaður og farþegi á bifhjólinu, en ökutækin voru að koma úr gagnstæðri átt.

Annað bifhjól kom aðvífandi þegar áreksturinn varð og missti ökumaður þess stjórn á hjólinu og féll af því. Hann var fluttur á Landspítalann til aðhlynningar og er líðan hans eftir atvikum.

Slysið er nú til rannsóknar hjá lögreglunni á höfuðborgarsvæðinu og rannsóknarnefnd samgönguslysa.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×