Fótbolti

Sandra María lék allan leikinn í tapi Leverkusen

Runólfur Trausti Þórhallsson skrifar
Sandra María lék allan leikinn á hægri kanti.
Sandra María lék allan leikinn á hægri kanti. Vísir/Getty

Landsliðskonan Sandra María Jessen lék allan leikinn er Bayer Leverkusen tapaði 2-0 á heimavelli gegn Duisburg í þýsku úrvalsdeildinni. Lék Sandra María á hægri kantinum en hún líkt og aðrir leikmenn Leverkusen átti engin svör við varnarleik Duisburg í dag.

Hin unga Nina Lange kom Duisburg yfir strax á fjórðu mínútu leiksins og var svo aftur á ferðinni undir lok fyrri hálfleiks. Reyndust mörkin ekki fleiri og Leverkusen missti þar með af mikilvægum stigum í fallbaráttunni en liðið er aðeins sex stigum frá fallsæti. 

Eftir leikinn er Leverkusen með 13 stig í níunda sæti en alls eru tólf lið í deildinni. Duisburg situr sæti neðar í töflunni og nú munar aðeins einu stigi á liðunum, þá hafa Sandra María og liðsfélagar hennar leikið einum leik meira.




Fleiri fréttir

Sjá meira


×