Innlent

109 einstaklingar greinst með kórónuveiruna hér á landi

Sunna Kristín Hilmarsdóttir skrifar
Frá upplýsingafundinum í dag.
Frá upplýsingafundinum í dag. Vísir/Vilhelm

109 einstaklingar hafa greinst með kórónuveiruna sem veldur sjúkdómnum Covid-19 á Íslandi. Frá þessu greindi Þórólfur Guðnason, sóttvarnalæknir, á upplýsingafundi nú rétt í þessu.

Þórólfur sagði að tæplega þúsund sýni hefðu nú verið rannsökuð með tilliti til veirunnar.

Langflestir þeirra sem hafa greinst með veiruna hafa verið að koma frá skíðasvæðum í Ölpunum en þá er auk þess um að ræða einstaklinga sem hafa verið að koma frá Bandaríkjunum. Þá eru innlend smit um 24 talsins. Um 900 einstaklingar eru í sóttkví.

„Það er greinilegt að þessi veira er enn þá í vexti, sérstaklega með einstaklingum sem eru að koma inn til landsins,“ sagði Þórólfur.

Þá kom einnig fram í máli hans að tveir sjúklingar liggja inni á Landspítalanum vegna Covid-19 veikinda. Smitsjúkdómalæknar fylgjast grannt með líðan þeirra.

Fréttin hefur verið uppfærð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.