Jol hættur hjá Tottenham

Martin Jol sagði starfi sínu lausu sem knattspyrnustjóri Tottenham fyrir leik liðsins gegn Getafe í UEFA-bikarkeppninni í kvöld.

Getafe vann leikinn í kvöld, 2-1. Tottenham hefur líka byrjað skelfilega í ensku úrvalsdeildinni og hafa aðeins unnið einn leik til þessa eftir að hafa fengið marga leikmenn til félagsins í sumar.

Talið er að Juande Ramos, þjálfari Sevilla, hafi þegar samþykkt að taka við liðinu í byrjun næstu leiktíðar þegar samningur hans við Sevilla rennur út.

Þá hefur verið greint frá því að Gus Poyet, fyrrum leikmaður Tottenham og Chelsea, verði hugsanlega aðstoðarmaður Ramos.