Enski boltinn í háskerpu

Frá og með laugardeginum verður í fyrsta sinn á Íslandi boðið upp á sjónvarpsútsendingu í háskerpu (HD). Þá verður leikur Liverpool og Everton á dagskrá.

Háskerpusjónvarp þýðir eins og nafnið gefur til kynna mun meiri gæði í sjónvarpsútsendingunni. Slíkar útsendingar eru vel þekktar erlendis en Íslendingar fá nú að njóta þeirra í fyrsta sinn í íslensku sjónvarpi.

Til þess að geta tekið á móti útsendingunni þarf sérstakan myndlykil sem hægt er að nálgast í verslun Vodafone í Skútuvogi. Fyrst um sinn verður þjónustan í boði á dreifingasvæði Digital Ísland á höfuðborgarsvæðinu.

Nánari upplýsingar má nálgast hér.

Áskrifendur Sýnar 2 fá nú háskerpumyndlykilinn á sérstöku tilboði eða 990 krónur á mánuði til 5. desember.

Eftir það kostar áskriftin 1.490 krónur á mánuði.