Sammy Lee hættur hjá Bolton

Sammy Lee er hættur sem stjóri enska úrvalsdeildarliðsins Bolton Wanderers en hann tók við liðinu í apríl síðastliðnum.

Hann var aðstoðarmaður Sam Allardyce sem hætti þá hjá félaginu og Lee tók þá við. Þetta var í fyrsta skiptið sem Lee er knattspyrnustjóri félags.

„Ákvörðunin var erfið fyrir alla aðila en við erum sammála um að tímasetningin henti vel nú."

Ricky Sbrigia, þjálfari hjá Bolton, mun nú tímabundið taka við starfi Lee.

Frank McParland, framkvæmdarstjóri félagsins, hefur einnig hætt sínu starfi.

Bolton er sem stendur í næstneðsta sæti ensku úrvalsdeildarinnar og hefur aðeins unnið einn leik til þessa á tímabilinu.