Foster stefnir á að feta í fótspor Rafael

Markvörðurinn Ben Foster stefnir á að vinna sér inn fast sæti í liði Manchester United. Hann horfir á brasilíska hægri bakvörðinn Rafael sem hvatningu í þeim efnum.

Rafael er 18 ára en hefur haft betur í samkeppni við Gary Neville og Wes Brown. „Það er jákvætt að sjá að þetta er alveg hægt. Ungir leikmenn geta sýnt á æfingum hvað þeir geta. Ef þeir sýna síðan það sama í leikjum halda þeir stöðu sinni," sagði Foster.

„Ég trúi því að ég geti farið sömu leið. Ég verð bara að halda áfram að sýna hluti á æfingum og vonandi koma tækifærin."