De Jong gat ekki leynt vonbrigðum sínum er hann sá stöðu Ajax | Myndband

Eftir því var tekið á San Siro í gær að hollenska ungstirnið Frenkie de Jong fylgdist grannt með stöðu mála hjá sínu gamla félagi, Ajax, eftir leik.

De Jong var lykilmaður í spútnikliði Ajax í fyrra sem fór alla leið í undanúrslit í Meistaradeildinni. Hann var svo seldur til Barcelona.

Ajax var í harðri baráttu um að komast áfram í Meistaradeildinni í gær en allt kom fyrir ekki og liðið fer ekki áfram.

Eftir sigur Barcelona á Inter í gær fór De Jong að horfa á risaskjáinn og skima eftir úrslitunum. Það leyndi sér ekki svekkelsið er hann sá niðurstöðuna hjá Ajax. Tengingin við gamla félagið augljóslega enn sterk.