Þrír leikmenn United í sameiginlegu Manchester-liði Danny Mills
Það er stórleikur í enska boltanum í dag en klukkan 17.30 verður flautað til leiks í Manchester-slagnum á Etihad leikvanginum þar sem City fær United í heimsókn.
Leikir þessara liða hafa verið mikið fjör undanfarin ár en að þessu tilefni ákvað Sky Sports að fá nokkra valinkunna spekinga að setja saman sameiginlegt lið úr leikmannahópum félaganna.
Þeir leikmenn sem gætu spilað í dag eru þeir sem áttu möguleika á að komast í liðið en meiddir leikmenn eins og Paul Pogba áttu ekki möguleika á að komast í liðið.
Here's ours... but who makes your Manchester Derby combined XI❔
— Sky Sports Premier League (@SkySportsPL) December 6, 2019
United á einungis þrjá leikmenn af ellefu í liðinu. Í vörninni eru þeir Harry Maguire og Luke Shaw og fremsti maðurinn er Marcus Rashford. Restin eru leikmenn Man. City.
Gengi liðanna hefur verið ólíkt á leiktíðinni. City er í 3. sæti deildarinnar með 32 stig, ellefu stigum á eftir toppliði Liverpool, en Man. united er í 6. sætinu með 21 stig.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
