Erlent

Kóalabirnir hafa orðið verulega illa úti vegna elda

Samúel Karl Ólason skrifar
Brenndur Kóalabjörn fær aðhlynningu.
Brenndur Kóalabjörn fær aðhlynningu. Vísir/Getty
Skógar- og kjarreldar hafa á undanförnum vikum ollið dauðsföllum og miklum skaða í Ástralíu. Kóalabirnir landsins hafa þar að auki orðið verulega illa úti. Óttast er að hundruð kóalabjarna hafi drepist í eldunum en stofninn er sagður í viðkvæmri stöðu. Eldarnir hafa sömuleiðis brennt mikið af náttúrulegu umhverfi þeirra.



Myndir af illa brenndum björnum hafa verið í mikilli dreifingu í Ástralíu og hafa hjálparsamtök safnað hundruð þúsundum dollara til að koma þeim til hjálpar.



Toni nokkur Doherty kom á dögunum illa brenndum Kóalabirni til bjargar í Suður-Wales í Ástralíu. Björninn hafði brunnið í umfangsmiklum skógar- og kjarreldum þar í landi og Doherty fór úr skyrtu sinni og vafði henni utan um björninn. Björninn var fluttur til dýralæknis



Björninn, sem hefur fengið nafnið Ellenborough Lewis eftir barnabarni Doherty, var illa brunninn á fótum og nefi og eitthvað brunninn á kynfærum. Doherty heimsótti hann svo nýverið en sjá má myndband af því hér að neðan. Björninn er sagður í góðu ástandi.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.