Íslenski boltinn

Dag­ný samdi við bikar­meistarana til tveggja ára

Anton Ingi Leifsson skrifar
Dagný handsalar samninginn.
Dagný handsalar samninginn. Selfoss

Dagný Brynjarsdóttir hefur skrifað undir tveggja ára samning við Selfoss og mun leika með liðinu í Pepsi Max-deildinni á næstu leiktíð.

Dagný spilaði síðast með Selfoss árið 2015 en hélt svo aftur út í atvinnumennsku þar sem hún lék meðal annars með Portland Thorns í bandarísku úrvalsdeildinni.

Hún hefur leikið 178 deildarleiki hér heima og ytra en hún hefur þar að auki leikið 85 landsleiki og skorað í þeim 25 mörk. Risa liðsstyrkur fyrir bikarmeistarana.

„Það er ótrúlega mikilvægt fyrir okkur að hafa náð að semja við Dagnýju. Við stefnum á að bæta árangur liðsins enn frekar og það er heiður fyrir félagið og þýðingarmikið fyrir samfélagið að fá atvinnumann af þessari stærðargráðu til þess að taka þátt í þessu verkefni,“ sagði Alfreð Elías Jóhannsson, þjálfari Selfoss.

„Við vitum öll hvað Dagný getur og hún mun klárlega hjálpa okkur að komast á næsta stig. Dagný þekkir Selfoss og er frábær félagsmaður og á eftir að gera mikið fyrir okkur bæði innan og utan vallar.“




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.