Erlent

Bein út­sending: Hver hlýtur bók­mennta­verð­laun Nóbels?

Atli Ísleifsson skrifar
Nóbelsverðlaunin verða afhent í Stokkhólmi þann 10. desember næstkomandi.
Nóbelsverðlaunin verða afhent í Stokkhólmi þann 10. desember næstkomandi. vísir/getty

Sænska akademían tilkynnir í dag hver hlýtur bókmenntaverðlaun Nóbels. Tilkynnt verður um verðlaunahafa á fréttamannafundi sem hefst klukkan 11 að íslenskum tíma.

Að þessu sinni verða veitt tvenn verðlaun, fyrir árin 2018 og 2019, en engin verðlaun voru veitt í fyrra vegna hneykslismálsins sem skók sænsku akademíuna þegar í ljós kom að eiginmaður eins nefndarmeðlims hafði gerst sekur um kynferðisbrot og leiddi það til þess að meirihluti meðlima í akademíunni sagði af sér.

Á meðal þeirra sem líklegir eru til að hreppa hnossin í ár er kanadíska ljóðskáldið Anne Carson, rithöfundurinn Maryse Condé frá Guadaloupe og kanadíska skáldkonan Margaret Atwood en talið er líklegt að konur verði fyrir valinu að þessu sinni.

Hægt er að fylgjast með útsendingu frá fréttamannafundinum að neðan.


Verðlaun í hinum ýmsu greinum vísindanna hafa verið veitt í vikunni og hingað til hafa níu manns verið verðlaunaðir, allt karlmenn.

Síðastur til að hljóta bókmenntaverðlaunin var Bretinn Kazuo Ishiguro árið 2017. Bandaríski tónlistarmaðurinn Bob Dylan hlaut verðlaunin 2016.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.