Fá Nóbelsverðlaun fyrir þróun litínjónarafhlaðna
John B. Goodenough, M. Stanley Whittingham og Akira Yoshino hljóta Nóbelsverðlaun í efnafræði í ár fyrir þróunina á litínjónarafhlöðum.
Sænska vísindaakademían greindi frá þessu í morgun.
Rafhlöðurnar geta geymt mikið rafmagn, sem framleitt er úr sólar- og vindorku, og geta þá átt þátt í að stuðla að samfélagi laust við jarðefnaeldsneyti. Kosturinn við litínjónarafhlöður er að þær byggja ekki á efnaskiptum sem brjóta niður rafeindir, heldur litínjónum sem flæða fram og aftur milli plús- og mínusskauts.
Upphaf slíkra rafhlaðna má rekja aftur til áttunda áratugarins þar sem Stanley Whittingham vann að því að þróa leiðir til að stuðla að jarðefnalausu samfélagi.
Bandaríkjamaðurinn John B. Goodenough starfaði við Texas-háskóla, er 97 ára gamall, og er elstur allra til að hljóta Nóbelsverðlaun. Stanley Whittingham er ensk-bandarískur efnafræðingur sem starfar við Háskóla New York-ríkis. Akira Yoshino er japanskur efnafræðingur sem starfar við Meijo-háskóla.
Tengdar fréttir
Fengu Nóbelinn fyrir heimsfræði og fjarreikistjörnufund
Tilkynnt var um hverjir fá Nóbelsverðlaunin í eðlisfræði í Stokkhólmi í morgun.
Nóbelsverðlaun fyrir rannsóknir á frumum og súrefni
Þrír vísindamenn deila verðlaunum í læknisfræði. Þeir rannsökuðu hvernig frumur aðlagast breytileika í framboði á súrefni.
