Enski boltinn

Spænskir miðlar segja Man. United í viðræðum við Barcelona um Rakitic

Anton Ingi Leifsson skrifar
Ivan Rakitic.
Ivan Rakitic. vísir/getty
Manchester United hefur hafið viðræður við Barcelona um möguleg kaup á króatíska miðjumanninum, Ivan Rakitic.



Spænski miðillinn, Sport, greinir frá því að Man. United hafi sett sig í samband við spænsku meistarana og bíða þeir eftir gagntilboði frá Barcelona.



United var áhugasamt um Rakitic í sumarglugganum en tókst ekki að klófesta Króatann áður en glugginn lokaði í ágúst.











Nú hafa þeir hins vegar aftur haft samband við Börsunga og spurt um Rakitic sem er greinilega ekki í plönum Ernesto Valverde, stjóra Börsunga.



Rakitic hefur einungis spilað 186 mínútur það sem af er leiktíðinni og verið einu sinni í byrjunarliðinu.



Hann spilaði í gær er Króatar gerðu 1-1 jafntefli við Wales í undankeppni EM 2020.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.