Aron Einar Gunnarsson skoraði eitt marka Al Arabi í stórsigri á Umm-Salal, 1-5, í katörsku úrvalsdeildinni í dag.



Strákarnir hans Heimis Hallgrímssonar lentu undir á 25. mínútu en Mohammed Salah Al Neel jafnaði fjórum mínútum fyrir hálfleik.



Í uppbótartíma fyrri hálfleiks kom Aron Einar Al Arabi svo yfir með skalla. Þetta var annað mark hans í fyrstu deildarleikjum tímabilsins.



Al Arabi bætti svo þremur mörkum við í seinni hálfleik og fagnaði öruggum sigri, 1-5.



Með sigrinum komst Al Arabi á topp deildarinnar. Liðið er með sjö stig eftir þrjá leiki.