Neville myndi hlaupa frá stjórastarfinu hjá Manchester United
Gary Neville hefur engan áhuga á að snúa aftur í þjálfun og myndi hlaupa frá því að taka við uppeldisfélaginu, Manchester United, myndi hann fá símtalið.
Neville svaraði spurningum aðdáenda sinna á Twitter á sunnudag eftir 1-0 sigur Manchester United á Leicester með marki frá Marcus Rashford úr vítaspyrnu.
Hann var meðal annars spurður hvort að hann myndi taka við stjórastarfinu á Old Trafford.
„Kallið er ekki að koma og ef það kæmi myndi ég hlaupa í burtu frá því,“ sagði Neville er hann svaraði einni af spurningunum á Twitter.
That call isn’t coming and if it did I would run a mile https://t.co/S0JMFWwOh5
— Gary Neville (@GNev2) September 15, 2019
Hann var svo stuttorður er hann var spurður hvort hann væri á leið aftur í þjálfun.
„Nei,“ hljómaði það frá Englendingnum sem stýrði Valencia í fjóra mánuði tímabilið 2015/2016. Það gekk ekki vel því liðið vann einungis þrjá af sextán leikjum sínum undir stjórn Neville.
No https://t.co/v5HyWWtIcB
— Gary Neville (@GNev2) September 15, 2019
Neville fékk mikið spurningaflóð yfir sig í gær og hann sagði að það skrýtnasta sem hann hefði verið beðinn um að skrifa undir hafi verið samningurinn hjá Valencia.
Einnig sagði að versti leikurinn sem hann hafði starfað við sem sparkspekingur hafi verið er Sergio Aguero tryggði Man. City á dramatískan hátt tímabilið 2014/2015.
Agueerrrooooo !! https://t.co/CgD6Xr0wUF
— Gary Neville (@GNev2) September 15, 2019
Twitter-síðu Neville má sjá hér þar sem má fara ítarlegar yfir spurningar.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
