Innlent

Fundu flugmanninn gangandi við topp Skálafells

Kristín Ólafsdóttir skrifar
Frá vettvangi slyssins. Vélin sést í forgrunni myndarinnar.
Frá vettvangi slyssins. Vélin sést í forgrunni myndarinnar. Vísir

Viðbragðsaðilum á höfuðborgarsvæðinu barst nú á fjórða tímanum tilkynning um að lítil flugvél hefði brotlent á milli Móskarðshnjúka og Skálafells. Flugmaðurinn, sem var einn í vélinni, var fluttur með þyrlu Landhelgisgæslunnar á bráðadeild Landspítalans í Fossvogi, samkvæmt upplýsingum frá slökkviliði höfuðborgarsvæðisins.

Ásgeir Erlendsson upplýsingafulltrúi Landhelgisgæslunnar segir í samtali við Vísi að þyrla gæslunnar hafi fundið manninn um klukkan korter í fjögur, þar sem hann var gangandi á toppi Skálafells. Ekki hafa fengist upplýsingar um líðan mannsins.

Viðbragðsaðilar á göngu komu að flugvélinni, lítilli eins hreyfils vél, þar sem enn logaði í henni. Þyrla Landhelgisgæslunnar er nú á leið með rannsóknarlögreglumenn og fulltrúa hjá rannsóknarnefnd samgönguslysa á topp Skálafells.

Mikill viðbúnaður var vegna atviksins. Sjúkrabifreiðar voru meðal annars sendar á vettvang að Skálafelli. Vísir/Vilhelm

Fyrsta tilkynning barst um slysið laust fyrir klukkan þrjú. Viðbragðsaðilar voru þá kallaðir út en auk Landhelgisgæslunnar komu björgunarsveitir, slökkvilið höfuðborgarsvæðisins og lögregla að aðgerðum. Þyrlan lenti með flugmanninn í Fossvogi skömmu fyrir klukkan fjögur.

Fréttin hefur verið uppfærð.

Flugmaðurinn fannst á Skálafelli. Vísir/Loftmyndir ehf.

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.