Aron Einar og Heimir Hallgríms byrja samstarfið vel

Al Arabi, lið þeirra Heimis Hallgrímssonar og Aron Einars Gunnarssonar, byrjaði nýtt tímabilið á flottum 3-1 heimasigri.

Aron Einar Gunnarsson lék þarna fyrsta keppnisleik sinn fyrir Al Arabi en leikurinn var í fyrstu umferð Stjörnudeildarinnar í Katar. Þetta var líka fyrsti keppnisleikur íslenska landsliðsfyrirliðans undir stjórn Heimis Hallgrímssonar frá því á HM í Rússlandi sumarið 2018.

Þeir Aron Einar og Heimir unnu frábærlega saman hjá íslenska landsliðinu og það lítur út fyrir að það verði ekki mikil breyting á því í Katar.

Al Ahli liðið endaði einu sæti ofar en Al Arabi í deildinni í fyrra, Al Ahli í 5. sæti og Al Arabi í 6. sæti.

Heimir Hallgrímsson stillti upp sjö erlendum leikmönnum í byrjunarliði sínu í dag og komu þeir frá sjö þjóðum eða Íslandi, Frakklandi, Spáni, Íran, Þýskalandi, Túnis og Súdan. Fjórir Katarbúar voru síðan í byrjunarliðinu.

Túnismaðurinn Hamdi Harbaoui kom Al Arabi í 1-0 á 23. mínútu en Paragvæmaðurinn Hernán Pérez jafnaði tólf mínútum síðar. Þannig var staðan í hálfleik.

Al Arabi byrjaði seinni hálfleikinn vel og Þjóðverjinn Pierre-Michel Lasogga kom liðinu í 2-1 eftir sex mínútna leik í seinni hálfleik.

Hamdi Harbaoui bætti síðan við sínu öðru marki á 68. mínútu og kom Al Arabi í 3-1 forystu. Það urðu síðan lokatölur leiksins.

Í treyju ellefu í liði Heimis Hallgrímssonar var maður að nafni Mohamed Salah sem er 28 ára kantmaður frá Katar. Hann er þó ekki alveg alnafni Mohamed Salah hjá Liverpool því hann heitir fullu nafni Mohamed Salah Elneel.

Aron Einar Gunnarsson hefur spilað á Bretland í ellefu ár þar af síðustu átta árin með Cardiff City í Wales. Þetta var því fyrsti deildarleikur hans utan Bretlandseyja síðan að hann lék með AZ Alkmaar tímabilið 2007 til 2008.

Byrjunarlið Al Arabi er hér fyrir neðan og þar sést að Aron Einar Gunnarsson var á sínum stað á miðjunni í leikkerfinu 4-4-2:

#

# Vs #

_QNBpic.twitter.com/oJDvflLlHq

— Al-Arabi Sports Club (@alarabi_club) August 23, 2019