Coutinho á leiðinni til Bayern á láni
Barcelona hefur samþykkt að lána Brasilíumanninn Philippe Coutinho til Bayern München. Lánssamningurinn gildir til loka tímabilsins. Bayern á svo forkaupsrétt á Coutinho að tímabilinu loknu.
Brassinn er ekki í leikmannahópi Barcelona sem sækir Athletic Bilbao heim í upphafsleik spænsku úrvalsdeildarinnar í kvöld.
Ekki er lengur pláss fyrir Coutinho hjá Barcelona sem keypti hann frá Liverpool fyrir 142 milljónir punda í janúar 2018.
Coutinho hefur tvisvar sinnum orðið spænskur meistari með Barcelona. Hann hefur leikið 75 leiki fyrir liðið og skorað 21 mark.
Nú stendur yfir leikur Bayern München og Herthu Berlin í 1. umferð þýsku úrvalsdeildarinnar. Bayern hefur orðið Þýskalandsmeistari sjö ár í röð.
Tengdar fréttir
Í beinni: Athletic Bilbao - Barcelona | Meistararnir án Messi í opnunarleiknum
Lionel Messi er á meiðslalistanum er Barcelona hefur titilvörnina.
Segir að Neymar yrði eins og sprengja í búningsklefann hjá Barcelona
Búlgarinn Hristo Stoichkov botnar ekki upp né niður í sínu gamla félagi.
Neymar tilbúinn að lækka sig um fimmtán milljónir evra í launum til þess að ganga í raðir Barcelona
Neymar er reiðubúinn að taka á sig launalækkun upp á fimmtán milljónir evra til þess að ganga í raðir Barcelona í sumarglugganum
