Ari Freyr spilaði allan leikinn í tapi

Íslenski landsliðsmaðurinn Ari Freyr Skúlason var á sínum stað í byrjunarliði Oostende sem heimsótti Gent í belgísku úrvalsdeildinni í fótbolta í dag.

Staðan í leikhléi var markalaus en heimamenn gerðu út um leikinn á fyrstu tíu mínútum síðari hálfleiks.

Roman Yaremchuk skoraði á 48.mínútu og Jonathan David tvöfaldaði forystuna á 53.mínútu en fleiri urðu mörkin ekki. 

Oostende hóf deildina af miklum krafti og vann fyrstu tvo leiki sína en hefur nú tapað tveimur leikjum í röð.