Ayew bræðurnir á skotskónum en Gana mistókst að afgreiða Benín

Gana gerði óvænt 2-2 jafntefli gegn Benín í F-riðli Afríkukeppninnar sem fer fram í Egyptalandi.

Benín komst óvænt yfir á 2. mínútu með marki Mickael Pote en Andre Ayew, leikmaður Fenerbache, jafnaði á níundu mínútu.

Bróðir hans, Jordan Ayew, kom svo Gana yfir fyrir lok fyrri hálfleiks en Jordan leikur með Crystal Palace.

Ismailia Stadium  #GoGhana#TotalAFCON2019       #AFCON2019   #BlackStarspic.twitter.com/uehZMxvnkU

— Ghana Football Association (@ghanafaofficial) June 25, 2019

Varnarmaðurinn John Boye fékk sitt annað gula spjald á 55. mínútu og Gana varð því einum færri. Það nýtti Benín sér því Mickael Pote skoraði annað mark sitt á 64. mínútu og lokatölur 2-2.

Í hinum leik dagsins í F-riðlinum vann Kamerún 2-0 sigur á Gínea-Bissá. Varnarmaðurinn Yaya Banana skoraði fyrra markið á 66. mínútu og þremur mínútum síðar skoraði Stephane Bahoken.

Kamerún er því með þrjú stig, Gana og Benín eitt og Gínea-Bissá er á botninum án stiga.