Fjórir lögreglumenn voru sendir í Bása í Goðalandi vegna ósættis ferðamanna aðfaranótt laugardags. Þetta staðfestir Sveinn Kristján Rúnarsson, yfirlögregluþjónn á Suðurlandi, í samtali við Vísi en björgunarsveitarmenn af Suðurlandi voru fengnir til að flytja lögreglumennina fjóra upp í Bása þar sem jeppi lögreglunnar var í hálendiseftirliti. 



Lögreglunni barst tilkynning vegna hótana um ofbeldi sem settar voru fram vegna ósættis manna á milli. Ástæðan fyrir því að fjórir lögreglumenn voru sendir á vettvang var sú að tilkynningin hljómaði verr en raunin varð þegar komið var upp í Bása.



Engu að síður ákváðu lögreglumennirnir að handtaka ferðamann vegna málsins sem fór með lögreglumönnunum til byggða.