Enski boltinn

Ljungberg hækkaður í tign hjá Arsenal

Ingvi Þór Sæmundsson skrifar
Ljungberg verður Unai Emery til aðstoðar hjá Arsenal.
Ljungberg verður Unai Emery til aðstoðar hjá Arsenal. vísir/getty

Freddie Ljungberg hefur verið ráðinn aðstoðarþjálfari Arsenal. Hann tekur við starfinu af Steve Bould sem hefur verið aðstoðarþjálfari Arsenal síðan 2012.

Bould tekur við gamla starfinu hans Ljungbergs, sem þjálfari U-23 ára liðs Arsenal.

Ljungberg mun starfa náið með knattspyrnustjóranum Unai Emery sem tók við Arsenal fyrir síðasta tímabil.

Ljungberg lék með Arsenal á árunum 1998-2007 og varð tvisvar sinnum Englandsmeistari og þrisvar sinnum bikarmeistari með félaginu. Svíinn lék 325 leiki fyrir Arsenal og skoraði 72 mörk.

Arsenal endaði í 5. sæti ensku úrvalsdeildarinnar á síðasta tímabili og tapaði fyrir Chelsea, 4-1, í úrslitaleik Evrópudeildarinnar. Þriðja árið í röð komst Arsenal því ekki í Meistaradeild Evrópu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.