Dagný jafnaði við Ásthildi
Dagný Brynjarsdóttir skoraði annað mark Íslands í 0-2 sigri á Finnlandi í vináttulandsleik í Espoo í dag.
Þetta var 23. mark Dagnýjar í 81. landsleiknum. Hún hefur nú skorað jafn mörg landsliðsmörk og Ásthildur Helgadóttir gerði á sínum ferli. Ásthildur skoraði 23 mörk í 69 landsleikjum á árunum 1993-2007.
Dagný og Ásthildur deila 3. sætinu á listanum yfir markahæstu landsliðskonur Íslands frá upphafi.
Margrét Lára Viðarsdóttir er langmarkahæsta landsliðskona Íslands með 78 mörk. Hólmfríður Magnúsdóttir kemur þar á eftir með 37 mörk.
Katrín Jónsdóttir er í 5. sæti markalistans með 21 mark og Sara Björk Gunnarsdóttir í því sjötta með 20 mörk.
Sara lék sinn 125. landsleik í dag og nálgast leikjamet Katrínar sem lék 133 landsleiki á árunum 1994-2013.
Tengdar fréttir
Fimm breytingar á milli leikja | Áslaug Munda í byrjunarliðinu í fyrsta sinn
Ísland og Finnland mætast í vináttulandsleik í Espoo í dag.
Hlín og Dagný skoruðu í íslenskum sigri í Espoo
Ísland vann Finnland í síðasta leik sínum fyrir undankeppni EM 2021.
