Enski boltinn

Bakayoko vill vera hjá Chelsea

Arnar Geir Halldórsson skrifar
Tiemoue Bakayoko
Tiemoue Bakayoko
Franski miðjumaðurinn Tiemoue Bakayoko sér framtíð sína hjá Chelsea en hann varði síðustu leiktíð sem lánsmaður hjá AC Milan þar sem hann stóð sig vel eftir erfiða byrjun.

Abdoulaye Bakayoko, bróðir Tiemoue og umboðsmaður, segir viðræður við Chelsea vera í forgangi.

„Chelsea verður með í Meistaradeild Evrópu og við erum að horfa til þess að ná stöðugleika. Tiemoue vill vera hjá Chelsea,“ segir bróðirinn.

Ætla má að töluverðar breytingar verði hjá Chelsea í sumar en skærasta stjarna liðsins undanfarin ár, Eden Hazard, er genginn til liðs við Real Madrid á meðan helsta vonarstjarna Bandaríkjanna, Christian Pulisic, er kominn til Chelsea frá Borussia Dortmund.




Fleiri fréttir

Sjá meira


×