Samúel Kári reimaði á sig markaskóna í bikarsigri

Samúel Kári Friðjónsson var á skotskónum í norska bikarnum í kvöld en miðjumaðurinn skoraði tvö mörk í 4-1 sigri Víking á D-deildarliðinu Hinna.

Eftir tuttugu mínútna leik var það Keflvíkingurinn sem kom Víkingi yfir en níu mínútum síðar tvöfaldaði Zlatko Tripic forystuna.

Það er ekki oft sem Samúel finnur netmöskvana en hann gerði það tvisvar í kvöld því hann skoraði þriðja mark Víking á 37. mínútu leiksins.

Samúel Fridjónsson scorer sitt andre mål for dagen og legger på til 3-0. Spilt 37 minutter.

— Viking Fotball (@viking_fk) May 23, 2019

Í upphafi síðari hálfleiks minnkaði Hinna muninn en Zlatko bætti við öðru marki sínu og fjórða marki Víking átta mínútum fyrir leikslok. Lokatölur 4-1.

Víking er því komið í þriðju umferð bikarkeppninnar, 32-liða úrslitin.