Kostaði City 9,6 milljarða en fékk aðeins að byrja fjórtán leiki

Riyad Mahrez segist vera mjög ánægður hjá Englandsmeisturum Manchester City þrátt fyrir að fá ekki allt of mörg tækifæri hjá Pep Guardiola.

Hinn 28 ára gamli Riyad Mahrez skoraði þriðja mark Manchester City á móti Brighton um helgina en það nánast gerði út um leikinn.

Með sigrinum varð Manchester City fyrstu Englandsmeistararnir í áratug til að verja titilinn. Liðið fékk 198 stig á síðustu tveimur tímabilum sem er eitt af mörgum metum sem liðið hefur sett undir stjórn Guardiola.

Eitt af metunum gætu snúið að Riyad Mahrez sem Manchester City keypti á 60 milljónir punda frá Leicester City síðasta sumar. Það gera 9,6 milljarða í íslenskum krónum.

Þrátt fyrir að hafa borgað allan þennan pening fyrir Alsíringinn þá hefur hann aðeins byrjað fjórtán deildarleiki á þessu tímabili.

„Ég þarf að sýna styrk því það er hluti af persónuleika mínum,“ sagði Riyad Mahrez við BBC.

Riyad Mahrez says he's "very happy" at Manchester City despite limited playing time.

"It's not that because I don't play I'm going to go somewhere else."

In full  https://t.co/pZ1hFvuI6R#mcfc#bbcfootballpic.twitter.com/uS8eE7bFGQ

— BBC Sport (@BBCSport) May 14, 2019

„Ég er mjög ánægður hér. Ég mun ekki fara héðan af því að ég fæ ekki að spila nógu mikið. Það er bara hluti af leiknum,“ sagði Mahrez.

„Ég mun ekki flýja mín lið. Það væri kannski það auðveldasta í stöðunni en ég hef mikla trú á mínum gæðum og það kemur annað tímabil á næsta tímabili,“ sagði Mahrez.

Riyad Mahrez var kosinn leikmaður ársins þegar hann hjálpaði Leicester City að vinna enska meistaratitilinn vorið 2016. Hann skoraði 12 mörk á sínu fyrsta tímabili í öllum keppnum en hafði skorað 48 mörk í 179 leikjum með Leicester.

Riyad Mahrez ætlar að berjast fyrir sæti í liðinu og hefur sett stefnuna á fleiri byrjunarliðsleiki á næstu leiktíð.

„Ég hef aldrei efast um mína getu. Það er ekki auðvelt að koma inn í lið sem vann allt á leiktíðinni á undan. Ég vissi bara að ég ætlaði að nýta færin mín þegar þau myndu bjóðast. Ég skoraði mörk og hjálpaði liðinu. Við spiluðum mjög vel og áttum skilið að vinna ensku deildina,“ sagði Mahrez.

„Ég þekki ensku úrvalsdeildina mjög vel og hef þegar gert mikið í þessari deild,“ sagði Mahrez.