Erlent

Með þrjátíu hunda á heimilinu þegar lögregla handtók hana

Kristín Ólafsdóttir skrifar
Myndband sýnir að konan virtist fyrst ætla að setja hvolpana í endurvinnslugám en hætti við þegar hún leit ofan í hann.
Myndband sýnir að konan virtist fyrst ætla að setja hvolpana í endurvinnslugám en hætti við þegar hún leit ofan í hann. Skjáskot

Lögregla í Kaliforníuríki í Bandaríkjunum handtók í gær konu á sextugsaldri sem grunuð er um að hafa hent sjö nýfæddum hvolpum í ruslagám á fimmtudag.

ABC-fréttastofan greinir frá því að hin grunaða heiti Deborah Sue Culwell og sé 54 ára. Hún var handtekin á heimili sínu í Coachella-dalnum í Kaliforníu en gert er ráð fyrir að hún verði ákærð fyrir dýraníð. Þá er haft eftir lögreglu að um þrjátíu hundar hafi verið á heimilinu þegar lögreglu bar að garði. Farið var með þá í dýraathvarf.

Konan náðist á myndband þar sem hún henti hvolpunum sjö, sem allir voru í einum plastpoka, í ruslagám síðastliðinn fimmtudag. Vegfarandi rambaði á hvolpana við gáminn en þeir voru þá aðeins þriggja daga gamlir. Þá töldu yfirvöld að hvolparnir hefðu ekki lifað af langa vist í gáminum en afar heitt hefur verið á svæðinu undanfarna daga.

Í frétt ABC segir að hvolparnir, sem taldir eru blendingar af terríer-kyni, séu nú í höndum dýraverndunarsamtaka.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.