Ole Gunnar verður við stýrið næstu þrjú árin

Henry Birgir Gunnarsson skrifar 28. mars 2019 09:10

Solskjær fagnar í Meistaradeildarleiknum eftirminnilega gegn PSG. vísir/getty

Manchester United tilkynnti í morgun að félagið væri loksins búið að ráða Ole Gunnar Solskjær sem knattspyrnustjóra félagsins til frambúðar.

Solskjær átti upprunalega aðeins að stýra liðinu út þessa leiktíð en undir hans stjórn hefur liðið blómstrað. Því hefur félagið eðlilega samið við hann til lengri tíma.

Ole’s at the wheel! We can confirm that Ole Gunnar Solskjaer has been appointed as #MUFC manager.
— Manchester United (@ManUtd) March 28, 2019

Samningur Solskjær við United er til þriggja ára. Þessi 45 ára gamli Norðmaður tók við liðinu í desember er Jose Mourinho var rekinn. Solskjær var leikmaður Man. Utd í ellefu ár og skoraði meðal annars sigurmarkið í úrslitaleik Meistaradeildarinnar árið 1999.

Er Solskjær tók við liðinu var það í sjötta sæti og ellefu stigum frá toppsætinu. Undir stjórn Solskjær hefur United aðeins tapað einum af þrettán deildarleikjum sínum.

Solskjær er þess utan kominn með United í átta liða úrslit í Meistaradeildinni en þangað komst félagið síðast 2014.

Enski boltinn Noregur

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.