Erlent

SÞ stefna að minni plastnotkun árið 2030

Andri Eysteinsson skrifar
Sameinuðu Þjóðirnar vilja að jarðarbúar minnki plastnotkun sína fyrir árið 2030.
Sameinuðu Þjóðirnar vilja að jarðarbúar minnki plastnotkun sína fyrir árið 2030. Getty/Yegor Aleyev

Sameinuðu þjóðirnar hafa samþykkt að ríki heims skuli draga verulega úr plastnotkun sinni fyrir árið 2030. Samþykktin var niðurstaða umhverfisráðstefnu SÞ í Naíróbí, höfuðborg Kenía.

Samþykktin sneri í upphafi að því að stefna að því að notkun einnota plasthluta yrði hætt með öllu árið 2025 en samkvæmt frétt BBC settu nokkur ríki, eins og Bandaríkin, Kúba og Sádí-Arabía, sig upp á móti því.

Siim Kiisler, umhverfisráðherra Eistlands sagði áður en atkvæðagreiðsla hófst, að erfitt væri að komast að niðurstöðu sem öll aðildarríki gætu sætt sig við. Kiisler kallaði líka eftir því að alvöru ákvarðanir yrðu teknar í umhverfismálum.

Auk samþykktar um minni notkun á plasti voru samþykktir sem sneru að matarsóun og aukinni samvinnu samþykktir á ráðstefnunni í Naíróbí.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.