Forsetinn sá Jóhann Berg leggja upp sigurmarkið gegn Tottenham

Jóhann Berg Guðmundsson lagði upp sigurmark Burnley sem vann frábæran sigur á Tottenham á heimavelli í dag í ensku úrvalsdeildinni.

Jóhann Berg kom inn á sem varamaður í síðari hálfleik og fimm mínútum síðar var hann búinn að leggja upp sigurmarkið fyrir Ashley Barnes.

Sigurinn var mikilvægur fyrir Burnley sem er að berjast í kringum falldrauginn en sigurinn lyfti liðinu upp í fjórtánda sæti deildarinnar og sex stigum frá fallsæti.

Eftir leikinn birti Jóhann mynd af sér og Guðna Th. Jóhannessyni, forseta Íslands, en hann var í stúkunni og sá því stoðsendinguna hjá landsliðsmanninum í dag. 

Honor to have the president of Iceland at the game today pic.twitter.com/FfjbyRZsrp

— Johann B Gudmundsson (@Gudmundsson7) February 23, 2019