Dortmund missteig sig gegn botnliðinu og munurinn orðinn þrjú stig

Borussia Dortmund gerði markalaust jafntefli við Nurnberg í þýsku úrvalsdeildinni í kvöld og varð því af mikilvægum stigum.

Dortmund hafði mikla yfirburði í leiknum en þeir voru tæplega 70% með boltann. þeir áttu fjórtán skot að marki Nurnberg en heimamenn áttu fjögur skot í leiknum.

Að endingu mistókst þá toppliðinu að koma boltanum í netið og niðurstaðan markalaus en Dortmund er áfram á toppnum.

Nú er munurinn milli Dortmund og Bayern orðinn þrjú stig en Dortmund var komið með vænlegt forskot fyrir alls ekki löngu.

Nurnberg er á botni deildarinnar, fimm stigum frá öruggu sæti.