Demi Lovato flutt á sjúkrahús vegna gruns um ofneyslu heróíns

Bandaríska söngkonan Demi Lovato var flutt á sjúkrahús í Los Angeles í dag vegna gruns um að hafa tekið inn of stóran skammt af heróíni.

Samkvæmt frétt TMZ komu sjúkraliðar að Lovato meðvitundarlausri á heimili sínu. Henni var gefinn skammtur af Narcan, lyfi sem notað er við ofskammti. Ekki fengust frekari upplýsingar um líðan hennar.

Lovato hefur greint opinskátt frá baráttu sinni við eiturlyfja- og áfengisfíkn í gegnum tíðina. Þá hafa margir óskað Lovato góðs bata á samfélagsmiðlum í kvöld eftir að fréttir bárust af innlögn hennar á sjúkrahús, þar á meðal söngkonan Ariana Grande og spjallþáttastjórnandinn Ellen DeGeneres.

i love u @ddlovato

— Ariana Grande (@ArianaGrande) July 24, 2018

I love @DDLovato so much. It breaks my heart that she is going through this. She is a light in this world, and I am sending my love to her and her family.

— Ellen DeGeneres (@TheEllenShow) July 24, 2018