Sjáðu markaveislu Liverpool og allt það helsta úr leikjum gærdagsins

Liverpool og Manchester City byrjuðu bæði af krafti í ensku úrvalsdeildinni í gær. Liverpool setti fjögur mörk á West Ham og Englandsmeistararnir unnu Arsenal örugglega.

Mohamed Salah opnaði markareikning sinn á nýju tímabili snemma leiks á Anfield og Sadio Mane gerði tvö mörk fyrir Liverpool. Daniel Sturridge fullkomnaði markaveisluna með marki rétt um mínútu eftir að hann kom inn á sem varamaður.

Í Lundúnum lagði Benjamin Mendy upp tvö mörk í þægilegum 2-0 sigri Manchester City á Arsenal. Raheem Sterling og Bernando Silva skoruðu mörkin.

Það var nóg um marktilraunir í leik Southampton og Burnley en ekkert mark var þó skorað í fyrsta markalausa jafntefli tímabilsins.

Öll mörk og helstu atvik úr leikjum gærdagsins má sjá í klippunum með fréttinni.

Liverpool - West Ham 4-0

Arsenal - Manchester City 0-2

Southampton - Burnley 0-0