Pogba ekki með gegn City?

Óvíst er hvort að Paul Pogba verði með Manchester United sem mætir grönnunum í City i nágrannaslag á sunnudaginn.

Hinn 25 ára gamli Pogba spilaði allan leikinn er United hafði betur gegn fyrrum samherjum Pogba í Juventus, 2-1. Leikið var í Tórínó í vikunni.

Pogba æfði ekki með United í dag sem mætir City í stórleik helgarinnar en leikið verður á Etihad leikvanginum á sunnudaginn.

United vonast eftir því að meiðslin séu smávægileg og að hann hafi æft undir handleiðslu sjúkraþjálfara á æfingasvæði United í dag.

Óvíst er hvort að belgíski framherjinn Romelu Lukaku verði klár í slaginn á sunnudaginn en hann hefur verið að glíma við meiðsli undanfarna daga og vikur.