Þetta eru þjóðirnar átján sem hafa farið upp fyrir Ísland á FIFA-listanum síðan í mars
Íslenska fótboltalandsliðið er í 36. sæti á nýjum FIFA-lista en nýjasti styrkleikalisti Alþjóðaknattspyrnusambandsins var gefinn út í morgun.
Vísir hafði áður sagt frá því að íslenska karlalandsliðið myndi halda áfram að falla niður listann.
Íslenska landsliðið tapaði fyrstu tveimur leikjum sínum í Þjóðadeildinni með markatölunni 0-9. Fyrst 6-0 á móti Sviss í St. Gallen og svo 3-0 á móti Belgum á Laugardalsvelli.
Ekkert félag inn á topp 36 á FIFA-listanum féll niður um fleiri sæti á þessum lista en Ísland gerði núna. Eitt annað landslið inn á topp fimmtíu fór niður um fleiri sæti en Kosta Ríka menn duttu niður um fimm sæti. Þeir eru í 37. sætinu eða einu sæti á eftir Íslandi.
Þetta 36. sæti þýðir að íslenska landsliðið hefur fallið niður um fjórtán sæti á tveimur mánuðum og alls niður um átján sæti á aðeins hálfu ári. Íslenska landsliðið var í 18. sæti á FIFA-listanum í mars og hefur aldrei verið ofar.
Þjóðirnar átján sem hafa komist upp fyrir Ísland á FIFA-listanum síðan í mars eru eftirtaldar en sæti þeirra í dag er innan sviga.
Upp fyrir Ísland á FIFA-listanum á sex mánuðum:
Úrúgvæ (5. sæti)
Svíþjóð (15. sæti)
Holland (17. sæti)
Wales (19. sæti)
Bandaríkin (22. sæti)
Túnis (23. sæti)
Austurríki (24. sæti)
Senegal (25. sæti)
Slóvakía (26. sæti)
Rúmenía (27. sæti)
Norður Írland (28. sæti)
Úkraína (29. sæti)
Írland (30. sæti)
Paragvæ (31. sæti)
Venesúela (32. sæti)
Íran (33. sæti)
Bosnía (34. sæti)
Serbía (35. sæti)
Belgía og Frakkland eru nú efst og jöfn í efsta sæti listans. Belgar komust því á toppinn með sigrinum á Íslandi á Laugardalsvellinum.
NEW #FIFARanking
Belgium and France 1st-ever joint leaders
Germany regain some ground
Ukraine biggest climbers
More info https://t.co/w44kRrYA0N pic.twitter.com/v7vs5Cm1Ud
— FIFA.com (@FIFAcom) September 20, 2018
Englendingar eru áfram í sjötta sætinu en Spánverjar eru í 9. sæti og fimm sætum neðar en Króatar (4. sæti). Spánn vann samt 6-0 sigur á Króatíu í Þjóðadeildinni á dögunum.
Svíar eru í 15. sætinu og detta niður um tvö sæti. Lars Lagerbäck er síðan kominn með norska landsliðið upp í 52. sæti listans.
Lars Lagerbäck tók við norska landsliðinu í 81. sæti FIFA-listans í febrúar 2017 og hefur því þegar farið með liðið upp um 29 sæti.
Staða Norðurlandaþjóðanna á FIFA-listanum:
10. sæti - Danmörk
15. sæti - Svíþjóð
36. sæti - Ísland
52. sæti - Noregur
58. sæti - Finnland
92. sæti - Færeyjar
Tengdar fréttir
Íslensku strákarnir í frjálsu falli á FIFA-listanum
Hrun íslenska fótboltalandsliðsins á FIFA-listanum mun halda áfram á næsta lista sem verður gerður opinber eftir viku. Eftir úrslit síðustu leikja þarf þetta ekki að koma á óvart.
Hnignun sem hófst eftir að farseðilinn á HM var tryggður
Íslenska karlalandsliðið hefur aðeins unnið tvo leiki af 13 síðan það tryggði sér sæti á HM í Rússlandi. Einu sigrarnir á þessu tæpa ári komu í hálfgerðum B-landsleikjum gegn Indónesíu.
Sigurinn á Íslandi kemur Belgum á toppinn á heimslistanum
Belgar unnu 3-0 sigur á Íslandi á Laugardalsvellinum í gærkvöld en bronsliðið frá HM í sumar sýndi þar og sannaði að það fer eitt allra besta lið heims.
