Enski boltinn

David Luiz: Lærði mikið um sjálfan mig

Dagur Lárusson skrifar
David Luiz
David Luiz vísir/getty
David Luiz, leikmaður Chelsea, segist hafa lært mikið um sjálfan sig á síðustu leiktíð undir stjórn Antonio Conte.

 

Eftir að hafa verið lykilmaður í vörn Chelsea tímabilið 2016-2017 þá var hann settur í kuldann hjá Conte á síðasta tímabili og spilaði nánast ekkert.

 

„Ég lærði mikið um sjálfan mig og minn líkama á síðasta tímabili. Ég lærði að maður verður stundum að sína þolinmæði og stundum þarf maður að sjá sérstaklega vel um líkama sinn.“

 

„Á síðasta tímabili þurfti ég að hugsa mikið um þetta, ég er að eldast og þess vegna þarf ég alltaf að vera alveg heill til þess að spila. Í stað þess að pirra mig á stöðunni þá hugsaði ég það að ég væri að fá góða hvíld sem er mikilvægt á þessum aldri.“

 

„Ef Conte hefði verið áfram þá vita það flestir að ég hefði líklega þurft að breyta um lið, en núna er ég hér og ég er svo ánægður.“  

 

Enski boltinn

Mest lesið


Fleiri fréttir

Sjá meira


×

Mest lesið