De Bruyne missir af báðum leikjunum á móti Íslandi

Manchester City maðurinn Kevin De Bruyne verður frá keppni næstu þrjá mánuðina en alvarleiki hnémeiðsla hans er nú kunnur.

De Bruyne sleppur við aðgerð en hann meiddist á liðbandi í hægra hné á æfingu City liðsins á miðvikudaginn.

Kevin De Bruyne kom inn af bekknum í fyrsta deildarleiki Manchester City á tímabilinu en Riyad Mahrez, Bernardo Silva og Raheem Sterling spiluðu fyrir aftan Sergio Aguero í 2-0 sigri á Arsenal.

We can confirm @DeBruyneKev has suffered a lateral collateral ligament (LCL) lesion in his right knee.

No surgery is required, and the midfielder is expected to be out for around three months.

Get well soon, KDB! #mancitypic.twitter.com/hozcvnF8BX

— Manchester City (@ManCity) August 17, 2018

De Bruyne fékk meiri hvíld en margir leikmenn City af því að hann fór langt með belgíska landsliðinu á HM í sumar. Hann var aðeins búinn að vera hjá City í rúma viku eftir sumarfrí þegar hann meiddist.

Missirinn er samt mjög mikill enda var Kevin De Bruyne kosinn besti leikmaður Manchester City á síðustu leiktíð.

De Bruyne meiddist líka á hné 2015-16 tímabilið og var þá frá í tvo mánuði.

PEP: For @DeBruyneKev and his family its hard but we accept it. Human beings have a limit and these things happen. He will be a big miss.

Last season, in terms of injuries, was incredible we have best staff in England.

— Manchester City (@ManCity) August 17, 2018

De Bruyne missir ekki aðeins af leikjum Manchester City heldur verður hann ekki með belgíska landsliðinu í Þjóðadeildinni. Þar mæta Belgar Íslendingum og Svisslendingum.

Leikirnir á móti Íslandi eru  11. september á Laugardalsvellinum og 15. nóvember í Brussel. De Bruyne missir því af báðum leikjunum á móti Íslandi.