Thomspon um ummæli Mourinho: „Hvernig getur hann sagt þetta?“

Phil Thompson, fyrrum leikmaður Liverpool og sparkspekingur, segir að ummæli Jose Mourinho um að Liverpool sé að reyna kaupa titilinn séu grátleg.

Liverpool eyddi miklum pening í sumar, þar á meðal í markvörðinn Alisson, auk þess sem liðið fékk til sín Naby Keita, Fabinho og Xherdan Shaqiri.

„Hvernig getur hann sagt þetta? Er hann bara að reyna æsa upp fólk útaf þetta er Jose? Liverpool að kaupa titilinn? Guð minn góður, ég get keypt þetta frá sumum félögum og stjórum en ekki Mourinho.”

„Bara því við eyddum pening í sumar? Þetta eru hryllieg ummæli frá Mourinho sem hefur keypt titla allstaðar þar sem hann hefur verið,” sagði ósáttur Thompson.